Úrslit úr B59 Hotel mótinu

Frábært að sjá Andreu í toppbaráttunni

Golfklúbbur Akureyrar sendi nokkra af sínum fremstu kylfingum á Skagann, á B59 Hotel mótið í mótaröð GSÍ. 

Andrea Ýr fylgdi flottum fyrsta hring eftir með tveimur hringjum upp á 73 högg, sem skilaði henni 3 sæti í mótinu. Flottur árangur hjá okkar konu og verður gaman að fylgjast með henni í toppbaráttunni í sumar!

Tumi Kúld lék best af strákunum frá Akureyri. Hann endaði mótið á +2, eða jafn í 10. sæti. Flottur árangur hjá Tuma. Á eftir Tuma komu þeir Lárus Ingi og Örvar Samúelsson, sem enduðu í T22 og T41.

Eyþór Hrafnar og Víðir Steinar léku ekki sitt besta golf í mótinu en lofa báðir hringjum undir pari í næsta móti. Ekki amalegt.