Skráning iðkenda í innheimtukerfið NORI og samskiptaforritið Sportabler

 

Skráning iðkenda í GA fer fram gegnum netfangið stefania@gagolf.is 

 

Upplýsingar um skráning iðkenda í gegnum Nóra kerfið

Innheimtukerfið NÓRI: Leiðbeiningar um skráningu iðkenda og greiðslu æfingagjalda

Skráning iðkenda og greiðsla æfingagjalda mun nú fara fram á netinu í gegnum Nóra.

Hvar byrja ég?

NÓRI er aðgengilegt á vefslóðinni http://iba.felog.is.   Fyrsta sem þarf að gera er að haka í „Samþykkja skilmála“.  Ef ætlunin er að skrá sig í kerfið þá er smellt á "Nýskráning"  annars er svæðið "Kennitala" fyllt út ásamt "Lykilorði" og smellt síðan á "Innskráning".

1. Nýskrá/Innskrá: Að komast inn í Nóra

  • Þeir sem eru að skrá sig inn í Nóra í fyrsta skipti verða fyrst að samþykkja skilmála og smella á “Nýskráning“

  • Þeir sem áður eru búnir að fara í gegnum nýskráningu og eru með lykilorð þurfa einungis að samþykkja skilmála, slá inn kennitölu, lykilorð og smella á “Innskráning“ Þá er farið beint á síðuna “Mínir iðkendur“

  • Ef lykilorðið er gleymt er smellt á “Týnt lykilorð“ og þá er lykilorðið sent á skráð netfang viðkomandi. Ef hakað er  í “Muna eftir mér“ vistast innskráningarupplýsingar í tölvu viðkomandi.

  • Næsta skref í nýskráningu er að slá inn kennitölu án bandstriks og smella á “Áfram“ og fara þannig inn á síðuna “Nýskráning forráðamanns“

2. Nýskráning forráðamanns: Hérna eru settar inn almennar persónuupplýsingar

  • Slá inn rétt heimilsfang, póstnúmer, símanúmer og netfang, velja lykilorð og slá það inn tvisvar. Lykilorð þarf að innihalda að lágmarki 5 stafi.

  • Ef hakað er við “Jafnframt iðkandi“ sjást öll námskeið sem eru í boði fyrir viðkomandi hjá GA.

  • Að lokum slá inn öryggisstafi og smella á “Skrá“

Ekki þarf að bíða eftir að lykilorðið sé samþykkt og er það því ekki sent á netfang þannig að geymið lykilorðið vel.

3. Nýr iðkandi

  • Hérna ætti að vera hægt að velja úr lista frá þjóðskrá þá sem eru skráðir á heimili þess forráðamanns sem er innskráður.

  • Velja barn af listanum og smella á “Áfram“

  • Síðan þarf að setja inn símanúmer og netfang. Hérna eru oftast settar upplýsingar forráðamanns ef barnið er ungt. Þegar þær upplýsingar eru komnar smellið á “Skrá“

Ef börn eru ekki skráð á heimili forráðamanns er best að hafa samband við viðkomandi deild sem á að skrá í og þá er hægt að færa börnin yfir í kerfinu. (hægt að sjá emailin neðst í þessu skjali)

4. Mínir iðkendur: Hérna er hægt að sjá yfirlit yfir iðkendur er tengjast forráðamanni og það sem er í boði fyrir viðkomandi iðkendur.

  • Smella  á “Námskeið/flokkar í boði“ við nafn þess sem á að skrá og þá birtist listi yfir það sem er í boði fyrir við komandi iðkanda.

5. Námskeið í boði

  • Smella í dálkinn “Skráning“ við það námskeið sem skrá skal í.

6. Greiða fyrir skráningu iðkenda á námskeið

  • Slá inn í athugasemdareitinn upplýsingar sem mikilvægt er að þjálfari viti, t.d.ofnæmi og annað.

 Íþrótta og tómstundastyrkur

  • Til að nýta styrkinn frá Akureyrarbæ er nóg að haka við „Nota Frístundastyrk/tómstundarávísun Akureyrarbæjar“ um leið og hakað er í reitinn þá sækir kerfið heimild til Akureyrarbæjar og ef iðkandi á rétt á styrk lækkar upphæðin í samtals reitnum.

  • Kerfið býður upp á að styrknum sé skipt niður og því er hægt að stilla hversu mikinn skerf af styrknum þú vilt nýta á hvert námskeið sem barnið er skráð í. Þetta er gert með því að smella á „breyta“

  • Athugið að ekki er hægt að endurgreiða tómstundarstyrk Akureyrarbæjar eftir að hann hefur verið nýttur.

  • Velja greiðslumáta–Slá inn viðeigandi upplýsingar samþykkja skilmála og fara á staðfestingasíðu.

  • Ef enginn af þeim greiðslumöguleikum sem í boði eru hentar þá er best að setja sig í samband við framkvæmdastjóra GA (sjá netfang neðst)

7. Staðfestingasíða

  • Yfirfarið upplýsingarnar að ofan og smellið á “Skrá greiðslu“