Þriðjudagsmótaröð GA og Greifans hefst á morgun

Þriðjudagsmót GA og Greifans

Keppt verður flest alla þriðjudaga í sumar og er þátttökugjald 1.000 krónur í hvert mót. Tilvalið mót fyrir GA félaga að taka þátt í og gott tækifæri til að lækka forgjöf og æfa sig í þátttöku í mótum.

Hægt er að spila hringinn hvenær sem er yfir daginn og þarf meðspilari að kvitta fyrir skori eftir að hring lýkur.

Þátttökugjald greiðist í klúbbhúsi fyrir hring og um leið er kylfingur skráður í mótið. 

Veitt verða verðlaun fyrir efstu þrjú sætin í punktakeppni með forgjöf og í höggleik án forgjafar.

Hæst er veitt forgjöf 24 hjá körlum og 28 hjá konum.

Unglingar 14 ára og yngri leika af rauðum teigum
Karlar 70 ára og eldri leika af rauðum teigum
Konur leika af rauðum teigum
Karlar 15-69 ára leika af gulum teigum