GA með 8 kylfinga á Íslandsmótinu í holukeppni

GA eru með 8 leikmenn sem keppa á Íslandsmótinu í holukeppni í ár og fer mótið fram dagana 19.-21. júní. Keppt er í karla- og kvennaflokki og er mótið haldið á tveimur völlum  að þessu sinni. Karlakeppnin fer fram á Hólmsvelli hjá Golfklúbbi Suðurnesja og kvennakeppnin á Urriðavelli hjá Golfklúbbnum Oddi.

Keppt var í 36 holu höggleik þar sem efstu 16 keppendur komast áfram í 16 manna úrslit. Þrír keppendur frá GA komuist áfram í 16 manna úrslit; þau Veigar Heiðarsson, Hafsteinn Thor Guðmundsson og Andrea Ýr Ásmundsdóttir. 

Karlaflokkur:

• Veigar Heiðarsson – deilir 4. sæti á -2 höggum.
• Hafsteinn Thor Guðmundsson - deilir 12. sæti á +3 höggum.
• Óskar Páll Valsson – deilir 28. sæti á +7 höggum.
• Valur Snær Guðmundsson – deilir 41. sæti á +11 höggum.
• Patrekur Máni Ævarsson – deilir 46. sæti á +12 höggum.

Kvennaflokkur:

• Andrea Ýr Ásmundsdóttir – 14. sæti á +15 höggum.
• Bryndís Eva Ágústsdóttir – 18. sæti á +19 höggum.
• Lilja Maren Jónsdóttir – deilir 19. sæti á +20 höggum.

Á morgun verða leikin 16 manna úrslit og 8 manna úrslit. Veigar mætir Magnúsi Yngva Sigsteinssyni kl. 09:17. Hafsteinn Thor leikur gegn Aroni Emil Gunnarssyni kl. 08:22 og Andrea Ýr mætir Fjólu Margréti Viðarsdóttur kl 09:00.

Hægt er að fylgjast með stöðunni og rástímum hér
Karlar: https://www.golfbox.dk/livescoring/tour/?language=1039#/competition/5436664/matchplay
Konur: https://www.golfbox.dk/livescoring/tour/?language=1039#/competition/5436662/teetimes