Hjóna- & parakeppni Lostætis & Hótel Akureyri - Úrslit

Ari og Anna verðlaunahafarnir

Mót þetta var nú haldið í annað sinn og var uppselt í mótið. Aðalstyrktaraðilar eru Hótel Akureyri og Lostæti. Þetta er tveggja daga mót fyrri dag var spilað Greensome og seinni dag Betri bolti - sigurvegarar voru þeir sem höfðu best samanlagt úr höggleikur með forgjöf eftir báða dagana. Í mótslok var glæsileg verðlaunaafhending og veisla í boði Lostætis. Veislustjórn var í umsjón þeirra Konráðs Þorsteinssonar kokks frá Lostæti og Björgvins Þorsteinssonar frá Hótel Akureyri.

Sigurvegarar í ár voru þau Anna Einarsdóttir og Arinbjörn Kúld úr GA þau spiluðu á 132 höggum, í 2. sæti voru sigurvegarar frá því í fyrra þau Stefanía Margrét Jónsdóttir og Bjarni Jónsson úr GR á 136 höggum, á 137 höggum í 3. sæti voru Agnes Sigþórsdóttir og Jóhannes Snæland Jónsson einnig úr GR. Arnheiður Ásgrímsdóttir og Hafberg Svansson úr GA urðu í 4. sæti á 138 höggum og Halla Berglind og Finnur Aðalbjörnsson úr GA í 5. sæti á 139 höggum.

Auk aðalverðlauna sem voru flugferð til Florida með gistingu í hálfan mánuð í íbúð á Cedar Hammock Golf and Country club í Naples í Florida voru gistinætur á Hótel Stykkilshólmi með kvöldverði, gisting á Hótel Akureyri með leikhúsmiða og skíðapassa og gisting á Hótel Ólafsvík ásamt snjósleðaferð á jökulinn.

Einnig var fjöldinn allur af öðrum verðlaunum frá Kjarnafæði, Norðlenska, Bakaríinu við Brúna, Ekrunni, Byr, Símanum og Vífilfelli.

Nándarverðlaun voru á 4. og 18. braut fyrri daginn og var Elísabet Jóhannesdóttir næst holu á 4. braut 2,33 m frá holu. Á 18. braut var nafna hennar Elísabet K. Jóesefsdóttir 73,2 cm frá.

Seinni daginn voru nándarverðlaun á 4. 11. og 18. braut. Á 4. var Jón H. Karlsson 1,03 m frá á 11. braut var Þórir Lárusson 3,34 m og á 18. braut Hafberg Svansson 0,89 cm frá.

Vill Golfklúbburinn þakka öllum styrktaraðilum sem að mótinu komu.