Golfskóli og æfingar hefjast 6. júní
Golfskóli GA hefst 6. júní, æfingar skv. æfingatöflu hefjast 7. júní
Í golfskóla GA er leikurinn hafður í fyrirrúmi, þar sem nemendum eru kennd tækniatriði á stöðvum í leikjaformi. Golfskólinn er fyrir börn á aldrinum 7 - 13 ára, kennslu er hagað eftir aldri.
Aðaláhersla er lögð á að kenna grunnatriði golfíþróttarinnar. Hvert námskeið stendur yfir í fimm daga, þar sem nemendur pútta, vippa, slá með járnum og kylfum. Einnig er farið yfir öryggisatriði og siðareglur, sem eru mikilvægur hluti íþróttarinnar.
Á fimmta og lokadeginum er farið með nemendur á sjálfan golfvöllinn þar sem þeir fá að spila nokkrar holur á teigum sem henta þeim. Kennari fer yfir með þeim hvernig talin eru höggafjöldi (skor) og hann skráður.
Golfskólinn í sumar verður sem hér segir:
- 1. námskeið er frá 6. - 12. júní.
- 2. námskeið er frá 13. - 19. júní
- 3. námskeið er frá 2. - 6. júlí
Hvert námskeið er 5 dagar og er kennt frá kl. 13.00 - 15.00
Nánari upplýsingar og skráning í golfskólann, í síma 462 2974 eða með því að senda póst á gagolf@gagolf.is.
