Nýliðnefnd 2012 skipa þau:
- Formaður: Guðlaug María Óskarsdóttir gudlaug.oskarsdottir@ejs.is
- Eiður Stefánsson eidur@fvsa.is
- Sigurður Samúelsson sigurdur@nordlenska.is
- Jóhann Ingi Pálsson harkar@internet.is
- Karl Guðmundsson karlg@akureyri.is
Allir geta lagt stund á golf
Konur karlar, ungir sem aldnir. Eftir að forgjafarkerfið var tekið upp geta allir keppt sín á milli, nýliðinn getur unnið meistarann. Einnig er golfið frábær fjölskylduíþrótt.
Heimasíða Golfkúbbs Akureyrar er www.gagolf.is þar er að finna upplýsingar um það sem er á döfinni hjá klúbbnum, mótaskrá, rástímaskráning, upplýsingar um vallargjöld, tenglar, myndir og fleira skemmtilegt. Ennfremur heldur klúbburinn úti síðu á ensku og íslensku um Arctic Open, www.arcticopen.is. Svo má benda á síðu sem heldur utan um alla 18 holu velli á landinu www.golficeland.org
Skrifstofa og afgreiðsla í klúbbhúsi er opin virka daga frá kl. 8 – 22 og frá kl. 8 – 20 um helgar yfir sumartímann. Formaður Golfklúbbs Akureyrar er Sigmundur Ófeigsson og framkvæmdastjóri er Halla Sif Svavarsdóttir (halla@gagolf.is). Fleiri starfsmenn á skrifstofu eru ráðnir yfir sumartímann. Golfkennari klúbbsins er Ólafur Auðunn Gylfason (oligolf@simnet.is; gsm 844-9001).
Æfingasvæðið
Æfingasvæðið er vestan við klúbbhúsið og þar er hægt að kaupa æfingabolta með 100 kr. mynt. Fyrir 100 kr. fást 15 boltar. Við klúbbhúsið er nýr púttvöllur og vippsvæði og kostar ekkert að æfa sig þar. Ofan við 7. braut, aðgengi frá æfingasvæðinu, eru nokkrar holur þar sem hægt er að æfa sig.
Golfreglur, staðarreglur og siðareglur
Við bendum nýliðum á að kynna sér golfreglur, staðarreglur og siðareglur. Handbók um Golfreglur er hægt að fá á skrifstofunni, staðarreglur klúbbsins eru á upplýsingatöflu í klúbbhúsinu og hér á vefnum undir liðnum Mótaskrá. Nýliðum er bent á að skrá netfang sitt á póstlista klúbbsins, en það er hægt að gera neðst á þessari síðu. Reglunámskeið er haldið fyrir nýliða í klúbbnum ár hvert.
Rástímar
Rástímar á Jaðarsvöll eru bókaðir á netinu en starfsfólk skrifstofu aðstoðar við það í byrjun með því að stofna aðgang fyrir kylfinginn á www.golf.is. Nánari upplýsingar um skráningu rástíma hér til hægri undir rástímar og skor.
Nýliðaspil
Nýliðakvöldin eru 3-4 á sumri, þá spila saman vanur og óvanur. Þessi kvöld verða á þriðjudögum í júní og hefjast klukkan 19:30. Nýliðakvöldin verða auglýst í klúbbhúsinu og á heimasiðu klúbbsins. Nýliðakvöldin eru ætluð öllum nýliðum, kylfingar þurfa ekki að vera í klúbbnum en hafa verið og/eða eru á námskeiði hjá klúbbnum.. Á hverju vori er haldið Háforgjafarmót – vanur og óvanur þar sem leika saman kylfingur með lága forgjöf og kylfingur með fulla forgjöf, sjá mótaskrá. Á hverju ári er svo haldið 9 holu mót fyrir óvana kylfinga (á haustin), forgjöf 36, sem er auglýst sérstaklega.
Kvennanefnd er starfandi innan GA. Mánaðarlega yfir sumarið er kvennaspil þar sem vön og óvön spila saman og upplagt er fyrir konur að mæta til að kynnast konum í klúbbnum. Kvennaspilið er á miðvikudagskvöldum, júní, júlí og ágúst og hugsað sem nýliðaspil fyrir konur. Þau eru auglýst í klúbbhúsinu og einnig er sendur tölvupóstur. Kvennanefndin sér um hatta- og pilsamótið sem er árviss viðburður og haldið föstudaginn fyrir verslunarmannahelgi. Kvennanefndin skipuleggur einnig árlega golfferð fyrir konur.
Veitingasala
Veitingasala er í klúbbhúsinu, rekin af Vídalín veitingum (www.vidalin.is). Veitingasalan er opin alla virka daga frá 9-22 og um helgar frá kl. 8 – 20 og/eða eftir mótshaldi.
Inniaðstaða
Klúbburinn er með inniaðstöðu í Íþróttahöllinni. Þar er mjög góð aðstaða til æfinga að slá í net og vippa. Einnig er þar 18 holu púttvöllur og golfhermir. Opið er alla daga allan daginn yfir vetrartímann. Lokað yfir sumartímann. Aðgangur að inniaðstöðunni er innifalinn í árgjaldi.
Klæðnaður
Gerðar eru kröfur um snyrtilegan klæðnað. Sem dæmi eru gallabuxur og íþróttagallar ekki vel séðir á golfvöllum.
Afsláttur á velli Norðurlandi
Félagar í GA fá 30% afslátt af vallargjaldi á Húsavík, Lundsvelli, Dalvík, Ólafsfirði, Siglufirði og Sauðárkrók. Sýna þarf félagskortið frá GA á þessum völlum.