Í golfskóla GA er leikurinn hafður í fyrirrúmi, þar sem nemendum eru kennd tækniatriði á
stöðvum í leikjaformi. Aldurskipting í golfskólanum er 6-10 ára og 11-14 ára.
Aðaláhersla er lögð á að kenna grunnatriði golfíþróttarinnar. Hvert námskeið stendur yfir í fimm daga, þar sem nemendur pútta, vippa, slá með járnum og kylfum. Einnig er farið yfir öryggisatriði og siðareglur, sem eru mikilvægur hluti íþróttarinnar.
Á fimmta og lokadeginum er farið með nemendur á sjálfan golfvöllinn þar sem þeir fá að spila nokkrar holur á teigum sem henta þeim. Kennari fer yfir með þeim hvernig talin eru höggafjöldi (skor) og hann skráður.
Nánari upplýsingar um golfskólann fást í golfskála, í síma 462 2974 eða með því að senda póst á gagolf@gagolf.is.