GA hefur ávallt lagt áherslu á öflugt barna- og unglingastarf, enda
hefur yngri kynslóðin í klúbbnum iðulega náð mjög góðum árangri. Golf er íþrótt sem hentar einstaklega vel fyrir
börn og unglinga, þar sem hún veitir góða og holla hreyfingu, auk þess aga og reglusemi sem fylgir einstaklingsíþrótt. Kröfur um
góða framkomu, snyrtilegan klæðnað og það að hver kylfingur er eigin dómari er meðal þeirra kosta sem fylgja golfiðkun.
Unglinganefnd er starfandi innan klúbbsins, en hlutverk hennar er m.a. að skipuleggja starfið í samráði við stjórn og golfkennara GA. Unglinganefnd starfsárið 2011 - 2012 skipa þau:
- Anna Einarsdóttir annaeina@simnet.is
- Aníta Jónsdóttir afltilgods@internet.is
- Anton Ingi Þorsteinsson toni1@internet.is
- Jón Birgir Guðmundsson jon.gudmundsson@sjova.is
- Tómas Ólafsson hilla@akmennt.is
Golfskóli fyrir þá yngstu, skipulagðar æfingar og keppni fyrir þá eldri
GA býður börnum frá 7 ára aldri að ganga í golfskóla, þar sem áhersla er lögð á golftengda leiki. Golfskólinn er í umsjón golfkennara GA, en hann hefur sér til aðstoðar leiðbeinendur. Nánari upplýsingar um golfskólann má fá í síma 462 2974 eða með því að senda senda tölvupóst á gagolf@gagolf.is.
Þegar lengra er komið býðst börnum og unglingum að taka þátt í æfingum og keppnum á vegum klúbbsins, auk Íslandsmóta og sveitakeppni. Æfingatöflu má nálgast hér til hægri á síðunni.
Eftirfarandi viðmið eru viðhöfð í keppni barna og unglinga:
- 12 ára og yngri - allir með og allir fá viðurkenningar fyrir þátttöku
- 13-15 ára - allir fái tækifæri til að vera með, en hvatning til árangurs til staðar
- 16-18 ára - leggja skal áherslu á keppni milli einstaklinga, jákvæð hvatning